อริยสัจสี่นั้น เป็นต่อนพระธรรม
เอกองค์ชินวร ดำรัสตรัสรู้
สอนคนไขขานฮู้ ความจริงอันประเสริฐ
สี่ประการทุกข์พ้น อันได้แก่ธรรม ต่อนี้แล้ว
1 ทุกข์ บ่สบายยากเยื้อน ในนอกใจกาย
2 สมุทัย เห็นทันหน แห่งความทุกข์นั้น
3 นิโรธ ความดับสิ้น ในบรรดาทุกข์
4 มรรค สายทางดุ่งดั้น พาพ้นทุกขภัย
‘ทุกข์’ นำแนวบ่เตื้อง ในจิตในกาย
ชรากาลกายา ป่วยมรณาล้ม
ไลลาของหวงไห้ ใจพันกระสันต์อ่าว
ปองสิ่งใดบ่ได้ หลายล้นทุกขัง
‘สมุทัย’ ทางทุกข์ย้อน ภาวะ ‘ตัณหา 3’
1 กามตัณหา พาใจ ใคร่ดูดมยินย้อง
2 ภวตัณหา อยากได้ อยากมีเอาคัก
3 วิภวตัณหา บ่อยากได้ ของฮ้ายหน่ายซัง
‘นิโรธ’ ความทุกข์สิ้น ศีลสมาธิปัญญา
พาคนเพียร ผ่านภูมิพาลฮ้าย
พิจารณ์ตนจนแจ้ง สติปัฏฐาน 4
ขันธ์ห้าไตรลักษณ์ฮู้ เถิงถ้านพระนิพพาน
‘มรรค’ ทางทุกข์พ้น ควรเที่ยวสายกลาง
‘บ่หย่อน’ ตามอารมณ์ หล่มหลงเพลินก้าว
แล ‘บ่ตึง’ จนต้อง ทรมานทนทุกข์
เดิน ‘สายกลาง’ คักแท้ ทางให้ทุกข์สลาย
หลักของคำสอนนั้น 3 ขั้นพ้นทุกข์
1 ขั้นต่ำ คือภพพ้น อบายซั้นต่ำภูมิ
2 ขั้นกลาง ไกลนิวรณ์ห้า พาใจสบายส่วง
3 ขั้นสูง สลายทุกข์พ้น ภพสิ้นสู่นิพพาน แท้แล้ว
2 มกราคม 2562
ขอบคุณภาพจาก https://pixabay.com/
