เลือกได้ตามใจเธอ
พ่อเฒ่านง มีลูกเขยชื่อว่าบักมี บักมีมันเป็นผู้หมั่นเฮ็ดเวียกเฮ็ดงาน ขยันพอสมควร ซึ่งกะเป็นที่พอใจของพ่อเฒ่านงหลาย ถือว่าลูกสาวเลือกผัวได้ถืกต้อง บ่ขี้คร้านคือลูกเขยผู้อื่นแต่ว่าบีกมีมันอยากเป็น คนหล่วง (ล่วงเกิน) แหน่จั๊กหน่อย มักสอดรู้ สอดเห็น พูดจาเสียดแทงกระทบคนนั้นกระทบคนนี้อยู่บ่อย ๆ แต่พ่อเฒ่านงก็ไม่ถือสา ตรงกันข้ามพ่อเฒ่านงกลับชอบเสียอีก เพราะบางครั้งก็ม่วนซื่นเป็นการเพิ่มรสชาติของชีวิต
วันหนึ่งพ่อเฒ่านงมีโอกาสได้พูดคุยกับบักมีในเรื่องต่าง ๆ ซึ่งบักมีก็ถือว่า การได้พูดคุยเว้านัวหัวม่วนกับพ่อเฒ่า เป็นการแลกเปลี่ยนความคิดเห็น ซึ่งกันและกันด้วยเมื่อคุยหรือโสกัน เรื่องต่าง ๆ ไปพอสมควร บักมีเริ่มคุยเข้าไปถึงเรื่องในมุ้ง!
“พ่อเฒ่า…เจ้าบ่คึดอยากได้เมียใหม่แหน่บ้อ! แม่เฒ่าก่ะตายไปหลายเดือน เกือบปีแล้ว ข้อยหว่าควรสิหาเมียใหม่มาเบิ่งมาแยง ยามเฒ่าก่ะดีเด้ !”
“กูก่ะคึดอยู่คือกันกับมึงคึดนั่นละ บักทิดเอ๊ย !”
ต่อมาไม่นาน ความคิดนั้นก็เป็นจริงขึ้นมาจนได้ พ่อเฒ่านงได้แต่งงานใหม่กับ สาวคํา ซึ่งเป็นสาวแก่ค้างโคก แต่ก็มีวัยห่างกันกับพ่อเฒ่านงรอบครึ่งโน่นแหละ เมื่ออยู่กินกับเมียใหม่แรก ๆ พ่อเฒ่านงก็ยิ้มร่า ตามประสาคนได้กิน ข้าวใหม่ปลามัน จนบักมีมันแซวแบบอิจฉาพ่อเฒ่าอยู่เหมือนกัน
“ถืกใจล่ะเนาะ พ่อเฒ่า” บักมีเว้า
“เอ๋อ ! ก่ะคักอยู่ฮั่นแหล่ว บักทิด !”
“เบิ่งสุขภาพเบิ่งสังขารแหน่เด้อ! เฒ่าให้อยู่สมเฒ่าแหน่ !” บักมีบอกอย่างเป็นห่วง
“มึงบ่ต้องสอนกูดอก บักทิดมี! กูฮู้โต๋กูดี !”
พ่อเฒ่านงครองรักกับสาวคำไปได้อย่างปกติ ซึ่งในสายตาของบักมีมันก็เห็นว่าราบรื่นน่าจะไปกันได้ยืด แต่มันก็สงสัยเรื่องสมรรถภาพทางเพศของพ่อเฒ่านงอยู่บ้าง เพราะระยะนี้พ่อเฒ่านงดูเหมือนคนไม่ค่อยมีเรี่ยวแรง ไม่กระชุ่มกระชวยเหมือนเมื่อก่อนหรือว่าสาวคํารีดพิษแกมากเกินไปก็ไม่รู้ !
เมื่อบักมีมันมีโอกาสอยู่สองต่อสองกับพ่อเฒ่านง ก็เลยถามพ่อเฒ่าดูบ้าง…
“เป็นจั่งได๋พ่อเฒ่า ระยะนี้ไหวอยู่บ้อ ! คืนหนึ่งได้จั๊กเทื่อ ?”
พ่อเฒ่านงยกมือแสดงให้บักมีดูโดยถ่างนิ้วมือออกห้านิ้ว! บักมีตาโตขึ้น! คึดในใจ มันแม่นบ้อ! คืนละ ๕ เทื่อ ! ไผสิเชื่อ ! แบบนี้เขาว่าผู้เฒ่ากล่าวความหาญเป็นแน่แท้ ! บักมีจึงถามต่อไปว่า
“คืนละห้าเทื่อพู้นน่ะ ?”
“บ่ปานนั้นดอก บักทิด !”
“ถ้าบ่แหม่น เป็นหยัง เจ้าจั่งจ่างมือออกห้านิ้วล่ะ ?”
“กูจ่างนิ้วออกห้านิ้ว ก่ะหมายความว่า กูสิถามเมียกูคืนนี้เจ้าสิเอานิ้วใด๋ ?”
****
คอลัมน์ เรื่องเล่าชุดพ่อเฒ่ากับลูกเขย นิตยสารทางอีศาน ปีที่ ๓ ฉบับที่ ๒๕| พฤษภาคม ๒๕๕๗
.
ราคาเล่มละ ๑๐๐ บาท
สมัครสมาชิก ครึ่งปี ๖๐๐ บาท
หนึ่งปี ๑,๑๐๐ บาท
ตลอดชีพ ๙,๕๐๐ บาท (ได้รับหนังสือย้อนหลัง)
.
สั่งซื้อ// ชำระเงิน // สอบถามเพิ่มเติม ได้ทาง
inbox หนังสืออีศาน m.me/166200246799901
line id : @chonniyom (มี@) คลิก https://lin.ee/amxqtvW
อีบุค ที่ www.mebmarket.com
โทร. 086-378-2516
บริษัท ทางอีศาน จำกัด
244/539 รามอินทราซอย 5 แขวงอนุสาวรีย์ เขตบางเขน กทม. 10220
